تعالوا نتعارف ...

أخوتى الكرام أسعد الله أوقاتكم بكل خير
جال بخاطرى اليوم وأنا أتناقش مع السيد الفاضل مدير المنتدى أن نفتح صفحة للتعارف
بحيث يعرف كل منا نفسه حتى نكون أكثر ترابطا
وفى هذا الإطار بقدم لنا كل فرد نبذة مختصرة عن نفسه واهتماماته ويفتح المجال للأخرين بأن يسألوه ما يريدون من أسئلة
وسنضفى على الموضوع طابع خاص يجعلنا أشبه ما نكون بأخوة منا كأعضاء لا يعرف أى منا الأخر ....

سأبدأ بنفسى :
اسمى ( كل واحد حر فى كتابة الاسم بمعنى يمكن الاكتفاء بالاسم المستعار ) : دعاء الجنة
باحثة ماجستير تخصص تربية خاصة
هواياتى : القراءة والتأليف وإلقاء الشعر
اهتماماتى : البحث فى مجالات علم النفس والتربية الخاصة وعلم الفلك
مثلى الأعلى : بعد الرسول صلى الله عليه وسلم وصحابته كلهم وبخاصة سيدنا عمر بن الخطاب رضى الله عنه ،، فأنا أحب الدكتور مصطفى محمود رحمه الله جدا وطبعا هناك بعض أساتذتى أقدرهم وأقتدى بهم
أمنياتى المستقبلية : أن أكون أستاذة جامعية ناجحة جدا وأديبة
والصفحة مفتوحة لو عايزين تعرفوا حاجة أكتر تحت أمركم لكن لى حرية الاجابة عن الاسئلة

تعالوا نتعارف ... Domainb05575307b

في البداية بعد بسم الله والصرة والسلام علي رسول الله اهنئ الاخت دعاء الجنة علي الفكرة العظيمة دي واشكر مدير المنتدي علي موافقتة لأن فكرة التعارف والترابط وان احنا نبقي يد واحدة فكرة ممتازة ولكن انا اتمني ان احنا مش نتعف علي بعض ونبقي يد واحدة بس ولكن بعد الكلام ده كله ياريت لو نحس بالمنتدي دي كويس ونحاول كلنا ان احنا نرتقي به لكي يكون اعظم واجمل منتدي تربوي علي الصعيد العربي ومش كده وبس لأ احنا عاوزين كمان لو نعمل مثلا مناقشة علمية مفتوحة حتي لو تكون كل شهر مرة وياريت لو ادارة المنتدي تضع هذا الاقتراح في عين الاعتبار وياريت لو نعمل باب لمواقع الابحاث والندوات العلمية الحديثه والقديمة لكي يستفيد منها كل فرد وياريت لو نعمل ترابط وتواصل بين المنتدي دة وجميع المنتديات العلمية الاخري .......

انا اسف جدا
نسيت اعرفكوا علي نفسي
اسمي bad_dragon انا حاليا مدرس رياضيات وطالب في الدبلوم الخاص واتمني انجح السنه دي وربنا يكرمني واكمل بعد كدة ......
هواياتي الصيد والرسم (ولو ان رسمي مش حلو قوي) والقراءه عامة وقراءة القصص البوليسية بشكل خاص

الأخ الفاضل / Bad_ Dragon

أشكرك أولا على مقترحاتك الجميلة

وروح الهمة والعمل والحماسة البادية فى كلماتك

وإن شاء الله نضع ذلك فى اعتبارنا وبالتعاون سويا

يمكننا تحقيق كل ما نصبو إليه

لكن بمناسبة التعارف :

أهلا بك معنا وربنا يوفقك فى البلوم الخاص

وتنجح بتميز إن شاء الله وتكمل فى الطريق الصح

عندى سؤال بما إننا نتعارف

هو ليه حضرتك مسجل بالاسم ده؟ ومعناه إيه ؟

لو لم يكن عند حضرتك مانع بالاجابة ؟

شكرى وتقديرى ،،

نائب المدير : دعاء الجنة

تعالوا نتعارف ... Domainb05575307b

اشكرك جدا يادعاء الجنة علي الدعوة ارجو ان تكون ابواب السماء مفتوحة في الوقت اللي دعيتي فية
واتمني من الله سبحانه وتعالي ات نكوني اجمل واكفأ استاذة جامعيه في الكلية اللي هاتشتغل فيها بإذن الله
اما بالنسبه للاسم فمن زمان من ايام ما كنت بألعب كنغ فو وهم بينادوني كدة اما بالنسبه للمعني فأنا ممكن اقعد نصف ساعه وانا بأكتب ليه اطلقوا عليا الاسم دة

فكرة جميلة دعاء الجنة

واشكر المدير العام على رعايته الدائمه للمنتدى بالافكار والمقترحات والدعاية

وفي البداية عندي سؤال لدعاء الجنه

هل هي اخت مدير عام المنتدى ؟

ولو كده هل في اي امتيازات ؟

احنا مش بنحسد احنا بنقر بس

احنا واثقين في نزاهة وشفافية ومصداقية مدير المنتدى طبعا

بالنسبة لمعلومات عني

انا اسمي الحقيقي واللي ما بحبش اغيره باي اسم مستعار هوا احمد شبل

ومش عارف ليه ما بحبش اعرف نفسي احمد بس

بدرس في الدبلوم الخاص وربنا يارب يعدينا جميعا على خير بتوفيق وتفوق ان شاء الله

انا بشتغل في الحكومة مدرس فرنساوي في الازهر

وفي العمل العام بشتغل مدرب في برنامج اسمه التعليم المدني تابع لمنظمة اليونيسف - المجلس القومي للشباب

هواياتي كتابة الشعر وقراءته لكن للاسف مش جيد في الالقاء

اهتماماتي بحب العمل الاجتماعي جدا خاصة المتعلق بالتنمية بكافة اشكالها

مثلت مصر في ثلاث دول عربيه في اكثر من مجال منها الشعر واعداد القيادات الشبابيه

اعتقد انا رغيت كتير

كفاية كده وانا مستعد للاسئلة لو في

كل الشكر على الموضوع الجميل

:(
شكرا لك Bad_Dragon

أشكرك على دعوتك الجميلة لى

وأتمنى لك التوفيق دائما فى كل مجالات الحياة

ودعواتى للرحمن أن تنجح بتفوق هذا العام

ربنا يوفقك

وأسعدنى ردك على سؤالى

فمن الجميل أن نحتفظ فى ذاكرتنا بأيامنا الجميلة

االأخ الفاضل / أحمد شبل

بهرتنى بطاقتك التعريفية بارك الله فيك

وربنا يوفقك فى الدبلوم الخاص إن شاء الله

وتنجح بتفوق وتمتلأ أيامك بالخير والفرح

بالنسبة للسؤال : نعم فمن دواعى فخرى

أن يكون لى أخا مثل ضياء

وليس هناك امتيازات ولا حاجة

ممكن نعمل انتخابات نزيهه

كما أن المناصب الإدارية لا تدوم

فالأكفأ يتولى القيادة حتى تسير القافلة وترتقى

والألقاب يا سيدى عبء على حاملها

قبل أن تكون فخر له

دمت بخير وشكر لك

تعالوا نتعارف ... Domainb05575307b

انا بهزر والله

وعارف انها مسئولية وانتو قدها وقدود طبعا

كل الدعوات بالتوفيق

شكرا يا أستاذ أحمد

وعلى فكرة أعجبنى سؤالك

وعرفت أنك تهزر من طريقة السؤال

ويمكن مبعث إعجابى بالسؤال أنى لم أتوقعه

لكن أنا بس حبيت يكون فى شفافية

وأنا لا أدعى أنى قادرة على تحمل مسئولية

وشخص يمتلك مواهبك أحق بالقيادة والإدارة

شكرى العميق لشخصكم الكريم

برحب بالاخ احمد شبل كعضو جديد في المنتدي واتمني لك النجاح بتفوق وكل الدفعة ان شاء الله وعلي فكرة ساعة الانتخابات ابقوا قولولي لاني مش عايز ارشح نفسي بصراحة

اشكر الاخت دعاء الجنة علي مجاملتك الجميلة
وانتي وصلتي فين في رسالة الماجستير واتمني تعزمينا علي المناقشة علشان نفرح لك ونبارك لك ان شاء الله

السلام عليكم ورحمة الله وبركاته
ا انا سعيدة جدا اني سجلت في المنتدي وان شاء الله يكبر ويطور بمجهود اعضاءه
وان شاء الله نكون اسره متعاونة وفعالة
انا طالبة في الدبلوم الخاص وبشتغل مدرسة اعدادي
وان شاء الله افيد واستفيد من خلال المنتدي

الشكر لله وحده يا Bad_Dragon

وبالنسبة لى فأنا فى السنة التمهيدية هذا العام

وكل ما وصلت إليه حتى الآن أنى بفضل الله اخترت موضوع

وتمت الموافقة عليه وفى الوقت الحالى فى المراحل النهائية للتسجيل

والله الموفق

وبالنسبة لكم فيسعدنى وجودكم بجوارى يوم مناقشتى

وأكيد إن شاء الله سيكون هناك إعلان فى المنتدى

عن الموعد ولو تحب دعوة خاصة مدير المنتدى يدعوك إن شاء الله

وبالنسبة للانتخابات سنقول لك حتى تدلى بصوتك

الأخت Lama

وعليكم السلام ورحمة الله وبركاته

أسعدنا إنضمامك لمنتدانا الوليد

ونتمنى أن يكون بيننا تعاونا حتى نرقى به ونطوره

وأتمنى لك التوفيق والتفوق فى دراستك وحياتك بأكملها

لكن عندى سؤال لحضرتك :

حضرتك تدرسى أى مادة للإعدادى ؟

تعالوا نتعارف ... 284776653

الاخت لما اهلا وسهلا بيكي في اسرتك الثانيه ان شاء الله وربنا يوقفك ويوقفنا ان احنا نفيد حضرتك وتحصلي علي تقدير ترضين عنه بإذن الله في الدبلوم الخاص

الاخت دعاء الجنه ربنا يوفقك وتخلصي الرساله بتفوق ان شاء الله وهنكون مستنيين علي احر من الجمر يوم المناقشة بإذن الله

:(
واضح انى دخلت فى منتدى الكبار فقط كلكم بسم الله ما شاء الله في الدبلومة وربنا معااكم ويوفقكم المهم
اعرفكم بنفسى
الاسم : لحن الحياه
طالبة بالفرقة الثالثة - شعبة رياض الاطفال - كلية التربية بالعريش
وبحب حاااجات كتير اووووى بس ممكن اقول ابرزها
بحب اشعار فروق جويدة ورويات يوسف السباعي واحسان عبد القدوس
بكتب شعر بس على قدى ومعنديش برده مهارة الالقاء مش عارفة كل اللى بيكتب بلاقيه معندوش قدرة على الاقاء اللى بيكتبه قدرات والنت وبحب السفر جدااا وكفاية كده ههههههههههههه
شكراا ليكى اختى دعاء ويااارب يوفقكم ويعنكم

أهلا بك يا لحن الحياة

وأنت معنا كبيرة بفكرك وقلمك

أنا أيضا أعشق أشعار فاروق جويدة

وأحب إلقاءها

وأحب أكثر قراءة القصص البوليسية

والخيال العلمى

أسعدنى انضمامك إلى أسرتنا الجديدة

أتمنى أن يكون بيننا تعاون مثمر

حتى نرقى بالمنتدى ونرفعه

شكرا لك يا أختنا العزيزة

تعالوا نتعارف ... 0538w

:(

أسعدنى جدا تعارفكم وانضمامكم إلى أسرة النور واتمنى لكم جميعا مزيدا من التوفق والتعاون المثمر من أجل الرقى بالمنتدى لجعله يرقى ويتطور بأعضاءه واسهاماتهم العلمية والأدبية

وجزاكم الله خيرا على تعاونكم المثمر والبناء
ووفقكم وهداكم إلى ما فيه الرشد والصواب

وأتمنى لكم قضاء أسعد الأوقات وأطيبها فى أسرة النور

اسمى : ضياء أبوعاصى
حاليا طالب بالدبلوم الخاص
وأعمل معيد بكلية التربية بالعريش
واهتماماتى متنوعة من اهتمامات بالحاسب الآلى والمحمول والجانب الاسلامى ومجال تخصصى الصحة النفسية والرياضيات فى الأساس

السلام عليكم ورحمة الله وراكاته . وصلى الله على نبينا محمد عليه افضل الصلاة والسلام . وبعد
اخووكم : معمر الشمري (مكسمو)طالب في مرحلة البكالوريس تربية خاصة .
هوياتي : ركب الخيل , التصوير .
مثلي الاعلى بعد النبي صلى الله علية وسلم اهو والدي رحمة الله علية ووالدتي حفظها الله واطال بعمرررهـ
واشااااااااااكرين لكم . وبالتوووفيق للجميع يااااااااارب .

أهلا بك يا أخ معمر

وفقك الله فى دراستك وحياتك عموما

سعدنا بانضمامك لأسرة المنتدى

ونسعد أكثر بتفاعلكم فيه

وفق الله الجميع لكل خير

Shocked

» تعالوا نقطف هذه الزهرات في رمضان