منتدى النور للعلوم النفسية والتربوية
 
الرئيسيةالمجموعاتالتسجيلدخول

شاطر | 
 

 قرب قرب زجل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمدشبل
مشرف
مشرف


عدد المساهمات : 92
نقاط : 126
تاريخ التسجيل : 22/04/2010

مُساهمةموضوع: قرب قرب زجل   الأربعاء سبتمبر 15, 2010 7:19 pm

قــــــرب قــــــــرب خـــدلك صــــوره
يمكـــــن تطلـــع لعيـــب كــــــــــوره
تقــــــدر تكســــب مليــــون فـــــوره
حتـــى لـــــو انـــــك بعيـون عــوره
قـــــــــرب قـــرب خـــــدلك صـــوره


خـــــــــدلك صــــــوره جنــب وزاره
يمكـــــن تمســــــك شيـــخ الحــاره
أو يمكــــــن تركــــــــب طيــــــــاره
وتنزل منــــها عنــــد ضــــــــروره
قـــــرب قـــــرب خــــدلك صـــوره

خدلك صـــوره جنـــب سفـــــــاره
وادخل ولا أحسنـــــها عمـــــــاره
وجهــــز ليـــك أســــود نضــــاره
تلبسهــــا وعينــــك مكســـــــوره
قـــــرب قــــرب خـــدلك صـــوره


خــــــدلك صــوره جنــب المتحف
علشـــــان لازم جـدا تعــــــــــرف
ان بلدنا دي فيــــها المقــــــــرف
بيبقى الباشـــــا فــــي المقصوره
قرب قـرب خــــــدلك صـــــــوره


خــــدلك صـــوره جنـب الحيطه
علشان تقدر تعمـــل زيطــــــــه
عايــــز تلبــــس يــوم برنيطــه
قولي ياريت حـــل الفـــــــزوره
قرب قـــــرب خـــــدلك صــوره


خدلك صوره جنــــب النيــــــل
ناس مخنوقه وبالـــها طويـــل
ونــاس غلبانـــه وحـــظ قليــل
دايبين في العيشه المقهـــوره
قـــرب قــرب خدلك صـــــوره


خــــدلك صــوره جنــب القلعـــــــه
نــاس واكــلاها وهيــــا والعـــــــه
وما أحلى الكوسـه اللي بدمعــــــه
أحلى مــن اللحمــه المبشـــــــوره
قــــــرب قـــــــرب خـــدلك صوره


خدلك صـــوره جنــــب الكوبـــري
وانصب وانهب واســـرق واجري
واركـــــب قطــــــر 2 المجـــــري
وسافــــــر عالبلـد المهجــــــوره
قـــــــرب قــــرب خـــدلك صوره


خدلك صوره جنــــب ميــــــــدان
واوعى يا صاحبي الكاميرا تبان
لاحســــــن تبقـــى في أراميدان
مسجون وجريمتـــــك منشوره
قرب قـرب خــــــدلك صـــــوره


خدلك صــوره جنـب البـــــــرج
والعب واجري برجليــن عرج
طول ما تحط فلوس في الدرج
تفضل سيرتك كده محفـــــوره
قــــرب قـــرب خـــدلك صوره


خـــدلك صـــوره جنـب القصــر
وامشـــي شويه ساعه العصــر
وانــت بهمــــك هاتـــزيد قهـــر
والناس اهي عايشه ومستوره
قرب قـرب خــــدلك صــــــوره


خـــدلك صـــوره جنب السـور
وادعي يارب صاحبنــــا يغور
قبل ما دم الناس دي يفــــــور
ويخربـو بيت ام المعمـــــوره
قـــرب قــــرب خـدلك صـوره
الرجوع الى أعلى الصفحة اذهب الى الأسفل
maroo
مشرف
مشرف


عدد المساهمات : 176
نقاط : 300
تاريخ التسجيل : 22/04/2010
العمر : 28

مُساهمةموضوع: قرب قرب زجل   الأربعاء سبتمبر 15, 2010 9:15 pm

البسملة 1
[center] [center]القصيدة رائعة

بس عايزة اسألك سؤال برئ ؟؟؟؟؟؟؟؟؟؟؟؟؟؟؟؟؟؟؟
((وادعي يارب صاحبنــــا يغور ))
مين صاحبنا ده ؟؟؟
هههههههههههههههههههههه
احنا كده مش هناخد صورة
احنا كده هناخد 6 شهور مع الشغل كمان
تــــــــحــــــــيـــــــــــاتــــــــــــــي

Rolling Eyes
الرجوع الى أعلى الصفحة اذهب الى الأسفل
احمدشبل
مشرف
مشرف


عدد المساهمات : 92
نقاط : 126
تاريخ التسجيل : 22/04/2010

مُساهمةموضوع: رد: قرب قرب زجل   الأربعاء سبتمبر 15, 2010 11:30 pm

والله يا مارو سؤالك ماهو بريء خالص

ونتيجته مش 6 شهور خالص

صاحبنا ده اقصد بيه صاحب حارس السور

والمعنى في كعب الشاعر

والودان ليها حيطان

ولا داعي للإفصاح أكثر من ذلك
الرجوع الى أعلى الصفحة اذهب الى الأسفل
Doaa Elgana
نائب المدير
نائب المدير


عدد المساهمات : 214
نقاط : 380
تاريخ التسجيل : 13/04/2010

مُساهمةموضوع: رد: قرب قرب زجل   السبت سبتمبر 25, 2010 9:23 am

البسملة 1

كلمات جميلة

لكن شكلنا كده هنخاف ناخد الصورة

يعنى مروة سألت السؤال اللى فكرت فيه

وانت بصراحة وفيت فى الاجابة

ربنا يستر علينا وميتقفلش المنتدى

وكفاية كده أحسن إحنا مش قد كلامك يا مستر أحمد
الرجوع الى أعلى الصفحة اذهب الى الأسفل
احمدشبل
مشرف
مشرف


عدد المساهمات : 92
نقاط : 126
تاريخ التسجيل : 22/04/2010

مُساهمةموضوع: رد: قرب قرب زجل   السبت سبتمبر 25, 2010 12:47 pm

نفس الاجابه برضه

يا جماعه مش المنتدى بس اللي هايتقفل كده

ده بقي اللي هايتقفل هوا كمان

شكرا ليكي يا استاذه دعاء على المتابعه الجميله
الرجوع الى أعلى الصفحة اذهب الى الأسفل
 
قرب قرب زجل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات النور :: المنتدى الأدبى :: المنتدى الأدبى-
انتقل الى: