منتديات النور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى النور للعلوم النفسية والتربوية
 
الرئيسيةأحدث الصورالتسجيلدخول

 

 قناة الدراما - عامية

اذهب الى الأسفل 
كاتب الموضوعرسالة
احمدشبل
مشرف
مشرف
احمدشبل


عدد المساهمات : 92
نقاط : 126
تاريخ التسجيل : 22/04/2010

قناة الدراما - عامية Empty
مُساهمةموضوع: قناة الدراما - عامية   قناة الدراما - عامية I_icon_minitimeالأربعاء يوليو 07, 2010 9:20 pm


بغير في مرة قناة الدراما عشان بـــــــس تيجـــــي قنــــاة الهمــــــــوم

وأتاري الريمـوت اللـــــي لساني جايبه معلق وبايظ ومالهوش لـــزوم

فوقفت زرايره على الأولى مصري فقلت أما أشوفها وبعدين أقـــــــوم

لقيت الأحبه في مجلس بقبـــــــه بيحكـــــو حكــــــاوي كمــا كــــل يوم

شوية يهاجمـــو وشويــــه يدافعــــو وشويـــه عينيهم ما تشبعش نوم

اتاري دي جلســه في مجلس بلــدنـــا وصوت على البيع بتمن الهدوم

وأسمع ساعتها عبارة مواطــن أحس إن راحت سنيـــــن الهمــــــــوم

احس ان افقر مواطن ساعتها بيتعشــى فاكهة ويفطــــــر لحـــــــــوم

وأحس إني هابقى من الصبح باشــا وأحس إن خيرك مسيره يـــــدوم

بإجماع آرائهم تقرر في حينه بتصـويت جماعي وجاي من العمــــــوم

موافقة ومنافقة وإجماع مجهز علـى البيــــع واوعــــي سيادتك تزوم

لا تخفى الحصانه وتمضغ لبانه ومـن كتـــــر فقـــرك هاتتغــــدى دوم

ويمكن كمان ما تلاقيش حتى لقمة ويوم يبقى دقة وأسبـوع تصــــوم

ده إيه بس ده اللي هبلني في عقلي ما تخفى السياسة وتخفى العلـوم

ويخفى الريموت المعفن في داهية وتحيا الدراما وتخفــــى الهمــــوم

واتاري الريموت المعفن حجارته ضعيفة رميته وقضيتـــــها نـــــوم
الرجوع الى أعلى الصفحة اذهب الى الأسفل
 
قناة الدراما - عامية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات النور :: المنتدى الأدبى :: المنتدى الأدبى-
انتقل الى: