منتديات النور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى النور للعلوم النفسية والتربوية
 
الرئيسيةأحدث الصورالتسجيلدخول

 

 من حقنا الدستورى أن نرسب

اذهب الى الأسفل 
3 مشترك
كاتب الموضوعرسالة
Doaa Elgana
نائب المدير
نائب المدير
Doaa Elgana


عدد المساهمات : 214
نقاط : 380
تاريخ التسجيل : 13/04/2010

من حقنا الدستورى أن نرسب Empty
مُساهمةموضوع: من حقنا الدستورى أن نرسب   من حقنا الدستورى أن نرسب I_icon_minitimeالسبت أبريل 17, 2010 11:56 pm

من حقنا الدستورى أن نرسب !!!
القصة خاضعة للتعديلات الفنية ،،، لكن لا تحرمونى من تعليقاتكم
ورجاء خاص يا سيادة المدير أرجو التثبيت

شعار رفعه طلاب وطالبات الجامعات
فى مظاهرة غير مسبوقة فى تاريخ البشرية .... اصطف طلاب وطالبات الجامعات يرفعون شعارات تطالب بحقوقهم الآدمية .
كان أبرز هذه الشعارات :
من حقنا الدستورى أن نرسب
وفى لقاء تليفزيونى أجرته قناة الخيال مع قائدى المسيرة وكان الحوار كالآتى :
المذيعة : نتعرف عليكم..
الطالب : أنا الطالب (ص) طالب فى كلية الهندسة – الفرقة الرابعة .
الطالبة : أنا الطالبة (س) طالبة فى كلية الطب – الفرقة الثالثة
المذيعة : اعتدنا أن تكون المظاهرات من أجل قضية متأججة أو صراع أو معاناة لشعب ما أو للاعتراض على قانون أو أو.... لكن هذه المظاهرة هى الأولى من نوعها فهل لك أن توضح لنا خلفيات تلك المظاهرة ؟
اعتدل الطالب الجامعى (قائد المظاهرة ) فى جلسته وعدل من وضع منظاره الطبى فوق أرنبة أنفه ورسم ابتسامة ساخرة على طرف شفتيه ثم تنحنح قائلا :
شوفى سيادتك : المظاهرة هى صوت الشعب ورسالته القوية للسلطة ... واحنا كفئة من الشعب لنا حقوق .... الكل بيسألنا عن واجباتنا و محدش فكر فى يوم يشوف مطالبنا أو احتياجاتنا ، ،،، عايزين يعملوا قانون جديد بيعملوه محدش فكر يسأل القانون ده فى صالح الفئة اللى محطوط عشانها ولا لأ ؟!
إحنا بقى خلاص ملينا من الوضع ده .... لازم يكون لنا صوت ولازم تخدوا برأينا...
حتى عمليات التطوير اللى بيقولوا عليها والجودة وغيره وغيره ،،، فين آثارها ؟؟ كله تستيف ورق
المذيعة : طيب ازاى اتجمعتوا كلكم كده ... يعنى طلبة من كل الجامعات وتيجوا وتبقى المظاهرة خارجة من مكان واحد فى تكاتل رهيب وانسجام وتوافق لم نر له مثيل ؟
الطالبة : دى مسئولية الاتحادات الطلابية ، الموضوع فى غاية البساطة إحنا كطلبة بنقابل بعض فى لقاءات ومعسكرات ووجدنا إن مطالبنا واحدة عشان كده قررنا نعمل مظاهرة .
المذيعة : من حقنا الدستورى أن نرسب ! شعار غريب شوية ؟!
الطالبة : حضرتك امتى بتتفرجى على إعلان ؟!!!
لما بيكون فيه حاجة غريبة ومش مألوفة واحنا عايزين الشعب والحكومة يحسوا بينا ... عشان كدة كان لازم نجيب شعار غريب يلفت لنا الأنظار .
المذيعة : يعنى لو رسبتم هو ده الحل ؟
الطالب: احنا مش بنقول ان ده الحل ولا ندعوا الطلبة لأن يرسبوا لكن عايزين نفوق .....
وتضيف الطالبة : الشعار كناية .... جملة تحمل فى خفاياها الكثير والكثير عايزين نعيد هيكلة الأوضاع مش أكتر !
المذيعة : ممكن توضحوا أكثر ...
الطالب : باختصار أنا قلت لسيادتك إنى طالب فى كلية هندسة ،، يعنى خمس سنين مذاكرة ومعاناة ... وبعدين مفيش شغل ،، المحظوظين هم اللى بيشتغلوا وشوفى الواسطة والكوسة واللى بتعمله فينا ... دا احنا أخرتنا بياعين فى محلات ودا لو وجدناها
دى حاجة ؛ حاجة كمان : أنا مش شاب وفى يوم هفكر أجوز هجيب منين تكاليف الجواز ، قبل من فكر فى التكاليف مين اللى هيرضى يجوزنى بنته وأنا من غير وظيفة ثابتة
يا فرحتى بكالوريوس هندسة ،،،، وبعدين ..... وكل زمايلى فى التخصصات المختلفة دا حالهم ، مش أنا لوحدى !
وتعتدل الطالبة ملتقطة طرف الخيط من زميلها وتقول : مشكلتنا بعد التخرج البطالة ،،، مش كفاية إننا احيانا بندخل كليات مش عايزين ندخلها إما عشان نرضى أهلينا وإما عشان المجموع ودانا كده يعنى انا مثلا كنت نفسى أدخل كلية فنون جميلة لكن عشان خاطر بابا وماما دخلت كلية طب إزاى عايزين طالب ينجح و هو حاسس انه مجبر على اللى بيعمله وكمان هينجح ليه إذا كان المستقبل قدامه مظلم زى ما قال زميلى ! واحنا البنات ارتفعت نسبة العنوسة فينا طيب هنخلص دراسة ليه عشان نعد فى البيت نعد الأيام ونتحسر على اللى فات ماهو لا شغل ولا جواز طيب خلينا فى الدراسة أحسن على الأقل حاجة شغلانا

تسكت المذيعة وترتسم على شفتيها ابتسامة حائرة ،، ثم تقطع صمتها قائلة : فى رأيكم إن المظاهرة دى هتغير حاجة ؟!
الطالب : احنا بنوصل صوتنا .
الطالبة : وبندور على حل عشان نقدمه للمسئولين ... وربنا يسهل !
المذيعة : كلمة أخيرة تحبوا تقولوها ...
الطالب والطالبة فى صوت واحد: قل كلمتك قبل ما تموت أكيد هتعرف طريقها مش مهم ايه مصيرها لكن الأهم أن تشعل عاطفة أو حزن أو تحرك ساكنا ،، والأهم أن تقل كلمتك!
الرجوع الى أعلى الصفحة اذهب الى الأسفل
احمدشبل
مشرف
مشرف
احمدشبل


عدد المساهمات : 92
نقاط : 126
تاريخ التسجيل : 22/04/2010

من حقنا الدستورى أن نرسب Empty
مُساهمةموضوع: رد: من حقنا الدستورى أن نرسب   من حقنا الدستورى أن نرسب I_icon_minitimeالأربعاء مايو 12, 2010 11:17 pm

في الحقيقة هوا موضوع غريب شوية

بس انا مش في صفهم برضه لانهم كده مش بيحلو حاجه دول بيساعدو في انهم يبقو عبء زيادة بفكرهم ده

من حقهم اه يوصلو صوتهم لكن ما تبقاش دي رغبتهم

كل الشكر ليكي يا دعاء الجنه على الموضوعات الشائكة
الرجوع الى أعلى الصفحة اذهب الى الأسفل
Doaa Elgana
نائب المدير
نائب المدير
Doaa Elgana


عدد المساهمات : 214
نقاط : 380
تاريخ التسجيل : 13/04/2010

من حقنا الدستورى أن نرسب Empty
مُساهمةموضوع: رد: من حقنا الدستورى أن نرسب   من حقنا الدستورى أن نرسب I_icon_minitimeالخميس مايو 20, 2010 1:13 am

البسملة 1
أولا شكرا لك يا أستاذ أحمد على التعليق على الموضوع

ثانيا هذه ليست رغبة بقدر ما هى دعوة لإعادة النظر فى ظروفنا المجتمعية الحالية ولعلى ذكرت فى القصة أن الشعار كناية أكثر من كونه واقع وأن ما يجذبنا للشئ هو غرابته ومن ثم كان هذا العنوان وكان الموضوع بأكمله .
الرجوع الى أعلى الصفحة اذهب الى الأسفل
maroo
مشرف
مشرف
maroo


عدد المساهمات : 176
نقاط : 300
تاريخ التسجيل : 22/04/2010
العمر : 35

من حقنا الدستورى أن نرسب Empty
مُساهمةموضوع: من حقنا ان نرسب    من حقنا الدستورى أن نرسب I_icon_minitimeالأربعاء أغسطس 04, 2010 7:13 pm

[ندعوك للتسجيل في المنتدى أو التعريف بنفسك لمعاينة هذه الصورة]
الموضوع رائع
والهدف منه هو المطالبة بتغيير اوضاع المجتمع الذى نعيش فيه الذى يحتاج لتغيير جذرى في كل شئ

((قل كلمتك قبل ما تموت أكيد هتعرف طريقها مش مهم ايه مصيرها لكن الأهم أن تشعل عاطفة أو حزن أو تحرك ساكنا ،، والأهم أن تقل كلمتك! ))
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
من حقنا الدستورى أن نرسب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات النور :: المنتدى الأدبى :: المنتدى الأدبى-
انتقل الى: