منتدى النور للعلوم النفسية والتربوية
 
الرئيسيةالمجموعاتالتسجيلدخول

شاطر | 
 

 الإمتحانات ع الأبواب !!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نور
مشرف
مشرف


عدد المساهمات : 17
نقاط : 50
تاريخ التسجيل : 28/04/2010

مُساهمةموضوع: الإمتحانات ع الأبواب !!!   الثلاثاء مايو 18, 2010 7:44 pm

الإمتحانات ع الأبواب !!!
خلاص الوقت أزف
إيه يا عم إنت جاي تقلب لنا بطننا ؟؟ إحنا قلقانين لوحدنا
لا لا أنا مش جاي أقلقك أبداً .. وإنما أنا جاي أقولك لسة في فرصــــة

فررررصة إييييه؟؟ .. أنا خلاص .. ضعت .. من أول السنة وأنا عمال ألعب خلاص الأمر منتهى بالنسبة لي



((الكلام ده مش كلامي .. ده كلام ناس كتير طلبة وطالبات))




إنهارده جايين نقولك إن لسة في فرصـــــة تطلع الأول على دفعتك وتطلعي الأولى على مدرستك



أنا؟؟



طبعا .. بس تعالى نشوف إزاى ؟؟




إعلمى تمام العلم إن الله لا يضيع أجر من أحسن عمله .. وإحنا هنجتهد أشد إجتهاد في الفترة القادمة .. في الشهر اللي فاضل .. مذاكرة .. احتساب .. تنظيم وقت .. تقليل نوم .. اجتهاد فوق الحدود .. تميز .. وتفوق ..




بإرادتك هتتخطي كل الحواجز والصعاب .. أهم شئ يكون عندك هدف <<<<<<<




هدف قوي جدااا تسعى لتحقيقه ..




إيه هدفك؟؟ :



التميز .. لازم اتميز لأن ديني لا يقبل إلا أن أكون متميزاً .. متفوقأً .. لأنك مسلم لازم تكون الأول دايما





إيه الكلام الكبير ده ..؟؟ أنا مش قد كده؟؟



لأ .. إنت قد كده وأكتر من كده.. والله لو صدقت النية وعزمت على الإجتهاد وإحتسبت هذا المجهود عند الله هتلاقي نتائج مزهلة بمعنى الكلمة ..


لا تستبعد أبداً إنك تكون من الأوائل .. اعقلها وتوكل ..




تذكر يوم النتيجة .. وإنت بإذن الله تكون في قمة سعادتك لحصولك على أعلى الدرجات وأنتى حصلتي على أعلى التقديرات




والدك ووالدتك .. والفرحة في عيونهم بيكي .. وتبقي أدخلتى السرور على قلبهم وكمان حققتي البر لوالديك اللذان طالما دعوا لكي وأعطوكي كل ما تريدي من أجل أن تنجحي فقط وتفرحيهم .. لا أنا مش هنجح بس أنا هتفوق لله ثم لوالدي ثم لبلدي الى محتاجة المتفوقين محتاجة علماء مسلمين وطلاب متفوقين وعقول مميزة



و هذه


**الوصفة السحرية لتنظيم الوقت**


الصلااة على اوقاتها ..للبنت في اول الوقت
وللشاب في المسجد ((بس تنزل تصلي وتطلع على طول))


والله هتلاقي بركة رهيبة في الوقت .. ومن الله التوفيق
واذا شعرت بضيق .. ألا بذكر الله تطمئن القلوب




طب أنا عاوز برنامج عملى .. أنا إتحمست جدااا إنى أنجح مش بس إنجح لأ .. أتفوق وأتميز ..




*************

إنت فاشل .. إنت ضايع .. المادة دي صعبة جدااا .. ده انت لو عملت ايه مش هتفهم الحتة دي .. بص المادة دي تقديرها سيئ .. أنا سمعت دكتور (س) بيقول إن انا هبهدلكم في الإمتحان الفاينال (النهائي) .. الدكتور ده أخد إسمي وشكله ناويلينا ...


كفاااااااااية .. استنى هنا .. هو ده اللى مودينا ورااا .. الإيحائات السلبية ..
ظبط نفسك نفسيا .. وإياك أن تستمع للإيحاءات السلبية أو تتناقلها أنت بلسانك .. وإنما أكثر من الإيحاءات الإيجابية ..


هتفوق .. إن شاء الله هنجح ... يا رب خير .. الله المستعان .. ربنا ييسر لى أمرى .. هجتهد والتوفيق من الله .. المادة دي بدأت فيها إمبارح وطلعت سهلة بفضل الله .. لو وقفت معايا حاجة هسأل المعيد .. هسأل الدرس / الدكتور / أصحابي اللى فاهمين الحتة دي هيشرحوهالى .. ليرين الله منى ما أصنع ..

((العامل النفسي مهم جداااا ))


**************


ركز معايا هنا جدااااا

حدد هدفك كويس جدا واسعى ليه

أبدأ من الآن ادخل اشرب عصير واتوضا واقرأ على الأقل صفحة من القرآن الكريم وادعى ربنا يوفقك في مذاكرتك وأبدأ بسم الله والحمد لله واشتغل في المادة ..

وقبل ما تحط قلم فيها .. حدد أنا هخلص انهارده كذا وكذا .. واوعى تيأس إنك مخلصتش اللى إنت حددته .. لأ حاول جاهدا إنك تخصله والأفضل إنك تحدد حاجة معقولة بمعنى تحقيقها ليس بمستحيل ..


المواد العلمية :
1/اقرأ القواعد والنظريات وحاول تفهمها جيدا ..
مفهمتهاش .. اقرأها تانى .. مفهمتهاش .. اقرأ مثال عليها .. حبذا لو استخدمت الورقة والقلم في كتابة المثال والنظرية ..

2/ استخدم اكبر عدد من الحواس لتحقيق أفضل النتائج .. يعني عينيك وصوتك وإيدك في الكتابة وهكذا ..

3/ حاول تحل ولو مسألة واحدة بس على اللى ذاكرته علشان المعلومة تثبت



المواد الأدبية :

1/ اقرأ المادة (الدرس/المحاضرة) كويس وحاول وانت بتقرأ تفهم ما تقرأه ليسهل فيما بعد حفظه
2/ التكرار .. (التكرار يعلم الشطار)


عموما في المذاكرة عامة حط في دماغك 3 حاجات اساسية

1/ تبعد عن المشتتات .. أو أى حاجة تحس انك ممكن تنشغل بيها او تضيع وقتك

2/ اختيار مكان مناسب بعيداً عن السرير ((طبعا كلكم بتذاكروا على السرير وترجع تقول أول ما بفتح الكتاب معرفش إيه اللي بيحصل لى وأنااااام)) اختار مكان حيويى وشكله مريح بالنسبة لك
3/ الحياة مش كلها أفش .. فروحوا القلوب ساعة بعد ساعة ده مش معناه ان كل نص ساعة اقوم انط من ع الكتاب وأقول بريح شويه
وانما كل ساعتين او 3 ساعات ريح ربع ساعة تشرب فيها حاجة .. تقف شوية في البلاكونة .. ترد على تليفون (بس بلاش رغي كتير)


أجمد أوقات المذاكرة .. بعد الفجر .. ثبت علميا أن وقت افجر تكون خلايا المخ نشيطة جدااا


مليت من المذاكرة .. حاسس إنك تعبت من أقل شئ .. جاهد وافتكر على طول الهدف بتاعك وتوكل على الله واستغفر وكمل


طب أنا بسرح كتيييير .. حاول تبعد عن كل ما يشغلك وفرغ ذهنك تماما وقت المذاكرة .. او ما تسرح .. متيأسش وانما استعيذ بالله من الشيطان وسمي الله وكمل مذاكرتك


انجز في اليوم ما يرضي نفسك عنك .. بحيث تشعر بالرضا والتفاؤل وتواصل تاني يوم بكل جد وروح ونشاط قوي .


اخرج مع اصحابك آخر الأسبوع .. بس متتأخرش بره وحط في دماغك إنى خارج علشان استعيد قواى واقدر أواصل مذاكرتى .. واحتسب خروجك لله وإياك ثم إياك أن يكون في خروجك معصية لله .. ((وكلنا فاهمين كويس ))


اكثر من الدعاااااء واطلب من والديك ومحبينك الدعاء لك وباذن واحد أحد سترى نتائج مذهلة .. ولح على ربنا في الدعاء فالله يحب العبد اللحوح .


ساعد أصحابك لو طلبوا منك مساعدة .. ولا تبخل .. فهو مسلم مثلك مثله وتحب له الخير (حب لأخيك ما تحبه لنفسك) وأسأله الدعاء لك


((يارب اجعلنا سببا في نصرة هذا الدين .. يارب وفقنى وجميع المسلمين .. اللهم ذلل لنا الصعاب ووفقنا لما تحب وترضى .
yasmine & nour
الرجوع الى أعلى الصفحة اذهب الى الأسفل
admin
Admin
Admin
avatar

عدد المساهمات : 205
نقاط : 465
تاريخ التسجيل : 05/04/2010
العمر : 30

مُساهمةموضوع: رد: الإمتحانات ع الأبواب !!!   الثلاثاء مايو 18, 2010 11:00 pm

البسملة 1

لك أسمى معاني الشكر والعرفان

شكرا بحجم السماء والأرض

شكرا لتواجدك الجميل وجهودك المقدمة شكرا لك وأكثر

أتمنى لك التوفيق بكل خطوة تخطوها

تحياتي الدائمة لك مع فائق الاحترام والتقدير

جزاك الله خيرا وكتب لك الفوز بأعلى الجنان


_________________
الرجوع الى أعلى الصفحة اذهب الى الأسفل
http://nourfuture.yoo7.com
رودي

avatar

عدد المساهمات : 27
نقاط : 27
تاريخ التسجيل : 29/05/2010
العمر : 26

مُساهمةموضوع: رد: الإمتحانات ع الأبواب !!!   السبت مايو 29, 2010 11:26 am

شكرا جداً على الموضوع وهو اكتر من رائع وبجد جه في الوقت المناسب...
بس احنا كده كده مضطرين نذاكر لاننا مضغوطين في الفترة دى..وبجد احب اشكرك مرة تانية علي الموضوع الجميل ده. study
الرجوع الى أعلى الصفحة اذهب الى الأسفل
 
الإمتحانات ع الأبواب !!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات النور :: الحوار والنقاش والترحيب :: الحوار والنقاش المفتوح-
انتقل الى: